Ուկրաինա աշխատանքային այցի շրջանակներում գլխավոր հանձնակատար Զարեհ Սինանյանը հանդիպել է Simul Fortes հայկական բիզնես ակումբի ներկայացուցիչների հետ: Տարբեր ոլորտներում հաջողած ուկրաինահայ գործարարները հանձնակատարին ուղղել են իրենց հարցերը, հայտնել հայրենիքում ընթացիկ իրավիճակին առնչվող մտահոգություններ: Զարեհ Սինանյանը շուրջ երեք ժամ տևած հանդիպման ընթացքում պատասխանել է հնչած հարցերին և հետագա ավելի ամուր համագործակցության հույս հայտնել:
