fbpx
Հասարակություն
03:00 23/03/2020

Գործում են կեղծ էջեր հայտնիների անուններով

Մարդկանց անձնական տվյալները օգտագործելու համար այսօր էլ կեղծ էջերը շարունակում են իրենց գործունեությունը։

Վերջին շրջանում սոցցանցերում հայտնվել են ճանաչված մարդկանց նկարներով կեղծ էջեր, որոնք իբրև խաղարկում են խոշոր շահումներ։

Facebook-ում անձնական էջեր ունեն   Քիմ Քարդաշյանի, Սիրուշոյի, Հենրիխ Մխիթարյանի, իսկ Instagram-ում՝ Քսենյա Սոբչակի, հումորիստ, հաղորդավար Մաքսիմ Գալկինի, ինչպես նաև ռեփեր Տիմատիի անուններով բացված կեղծ էջեր։ Արժանահավատության համար՝ այս էջերը օգտագործում են աստղերի կողմից նախկինում իրականացված խաղարկությունների տեսնայութերն ու գրառումները։

Կեղծ էջերի օգտատերերը հորդորում են օգտատերերին մեկնաբանություններ թողնել՝ նշելով, թե ինչ են ուզում շահել, ինչպես նաև հորդորում են կիսվել գրառմամբ։ Մեկնաբանություններ կատարած օգտատերերը ստանում են անձնական նամակ, որտեղ նշված է, թե իբր իրենք են հաղթողը։  Մրցանակը ստանալու համար՝ օգտատերերից պահնաջում են մուտքագրել իրենց անձնական տվյալները։Հենց այս խարդախ ճանապարհով էլ հանցագործները ձեռք են բերում հազարավոր մարդկանց անձնական, այդ թվում և բանկային տվյալները։

Անկախ իրազեկման ակցիաներից՝ այս գրառումները շարունակում են մոլորեցնել և թիրախավորել հազարավոր օգտատերերի, այդ պատճառով կարևոր է հիշել մի քանի պարզ կանոններ, որոնք կօգնեն խուսափել նմանօրինակ խարդախության զոհ դառնալուց.

Կասկածով վերաբերեք բոլոր այն հաղորդագրություններին, որոնք գումար աշխատելու հեշտ ճանապարհ են առաջարկում

Ուշադրություն դարձրեք հայտարարության բովանդակությանը. նմանատիպ խաբեությունները, որպես կանոն, կատարվում են օտարերկրացիների կողմից, որոնց գրառումներում կան բազմաթիվ սխալներ։

Մի բացեք այն հղումները, որոնք ուղարկվել են անծանոթ անձանց կողմից՝ առանց համոզվելու, որ դրանք կեղծ չեն

Երբեք մի փոխանցեք ձեր բանկային տվյալներն անծանոթ անձանց

Ճանաչված անձանց խաղարկություններին մասնակցելիս՝ անպայման համոզվեք, որ դա նրանց պաշտոնական էջն է, որում առկա է «ստուգված է» (verified ) տարբերակիչը։

Աղբյուրը ՝ Infocheck.am-ը։

 

ՎԵՐՋԻՆ ԼՈւՐԵՐ

Վերեվ