Իրավական

Գուգարքի ոստիկաններն ապօրինի ծառահատման դեպք են բացահայտել (ՏԵՍԱՆՅՈՒԹ)

Ոստիկանությունը շարունակում է պայքարն ապօրինի ծառահատումների դեմ:

Սեպտեմբերի 9-ին, ժամը 1-ի սահմաններում, ոստիկանության Գուգարքի բաժնի ծառայողները Վանաձորի Նարեկացու փողոցում, ապօրինի փայտանյութ տեղափոխելու կասկածանքով, ստուգման են ենթարկել Վանաձորի բնակիչ, 49-ամյա վարորդի «Զիլ-131» մակնիշի բեռնատարը: Մեքենան բեռնված է եղել մոտ 3 խմ փայտանյութով:

Վարորդը բեռի օրինականությունը փաստող որևէ փաստաթուղթ չի ներկայացրել, հայտնել է, որ սեպտեմբերի 7-ին Վանաձորի 3-րդ մաս կոչվող թաղամասից ոչ հեռու գտնվող անտառում բենզասղոցով ապօրինի 6 կաղնի է հատել և որպես վառելափայտ ցանկանում էր տուն տանել:

Փայտանյութով բեռնված մեքենան տեղափոխվել է ոստիկանության Գուգարքի բաժնի հատուկ պահպանվող տարածք:

Նշանակվել է մասնագիտական ստուգում:

Փաստի առթիվ նախապատրաստվում են նյութեր:

Այս մասին տեղեկացնում են ՀՀ ոստիկանության պաշտոնական կայքից:

ՎԵՐՋԻՆ ԼՈւՐԵՐ

ՎԵՐԵՎ