Գյումրու թիվ 37 դպրոցի տնօրեն Աստղիկ Ավետիսյանը երեկ հրաժարականի դիմում է ներկայացրել: Դպրոցի աշակերտները դասադուլ են հայտարարել և պահանջում են չեղարկել տնօրենի հրաժարականի դիմումը:
Աստղիկ Ավեստիսյանը դպրոց չի ներկայացել և հեռախոսազանգերին չի պատասխանել: Հրաժարականի հավանական պատճառներից է դպրոցում ստեղծված լարված մթնոլորտը: Մանկավարժները նշում են, որ որոշակի հակասություններ կան դպրոցի տնօրենի և մանկավարժների միջև:
Այս պահին մարզպետարանի կրթության վարչության պատասխանատուները հանդիպում են անցկացնում մանկավարժների հետ:
