Հակակառավարական բողոքի խոշոր ակցիաներ են սկսվել Ալժիրում: Հազարավոր ցուցարարներ դուրս են եկել փողոցներ բողոքելու՝ գործող նախագահ Աբդելազիզ Բութեֆլիկաի առաջադրման 5-րդ ժամկետի դեմ: Այս մասին հայտնել է Russia Today-ը:
Բողոքի ակցիաների ընթացքում բախումներ են եղել իրավապահ մարմինների և ցուցարարների միջև: Ցուցարարները ոստիկանների ուղղությամբ քարեր են նետել, ինչին ի պատասխան՝ իրավապահներն արցունքաբեր գազ են կիրառել: Բութեֆլիկան 81 տարեկան է և նախագահի պաշտոնը զբաղեցնում է 1999 թվականից:
