Այսօր՝ սեպտեմբերի 23-ին, հումանիտար օգնությամբ բեռնված բեռնատարները Կարմիր խաչի և ՌԴ խաղաղապահների ուղեկցությամբ Գորիսից Հակարիի կամրջով անցել են դեպի Ստեփանակերտ։
Այս մասին գրում են լրատվամիջոցները:
Նշվում է, որ Կարմիր խաչի օժանդակությամբ Ստեփանակերտ է տեղափոխվել 4 մեքենա, որի մեջ եղել են 66 տոննա ալյուր, 2700 կգ աղ, 450 կգ դրոժ, 375 լ ձեթ։
ՌԴ խաղաղապահների միջոցով էլ Ստեփանակերտ է տեղափոխվել 20 մեքենա, որի մեջ եղել են 110 տոննա ալյուր, 1500 կգ շաքարավազ, 500 կգ դրոժ, 1500 կգ աղ, 8060 հատ չոր ուտելիք, 5 տոննա բենզին, 5 տոննա դիզել: