Համախմբվել Տոկաևի շուրջ․ Նազարբաևը կոչով դիմել է քաղաքացիներին

Ղազախստանի նախկին երկարամյա նախագահ Նուրսուլթան Նազարբաևը կոչով դիմել է քաղաքացիներին։

Այս մասին հայտարարություն է տարածել նրա գրասենյակը։

Նազարբաևը կոչ է արել քաղաքացիներին՝ համախմբվել գործող նախագահ Կասիմ-Ժոմարտ Տոկաևի շուրջ, որպեսզի հնարավոր լինի հաղթահարել ճգնաժամն ու պահպանել երկրի ամբողջականությունը։

Հայտարարությունում ասվում է, որ Նազարբաևը Տոկաևի հետ կապի մեջ է գտնվում, ինչպես նաև հեռախոսազրույցներ է ունենում բարեկամ երկրների ղեկավարների հետ։

Հիշեցնենք, որ բողոքի ակցիաների մեկնարկից օրեր անց Նազարբաևը, ով նախագահի պաշտոնից հեռանալուց հետո զբաղեցրել էր Անվտանգության խորհրդի քարտուղարի պաշտոնը, հեռացել էր նաև զբաղեցրած վերջին պաշտոնից։