Ադրբեջանի արտաքին գործերի նախարարությունը նույնպես անդրադարձավ գիշերը Բրյուսելում կայացած եռակողմ հանդիպմանը՝ ՀՀ վարչապետ Նիկոլ Փաշինյանի, ԵԽ նախագահ Շառլ Միշելի և Ադրբեջանի նախագահ Իլհամ Ալիևի միջև։
Հայտարարությունն ուշագրավ է 2 մասով։ Առաջինն այն է, որ ըստ ադրբեջանական ԱԳՆ-ի՝ ձեռք բերված պայմանավորվածությունները համապատասխանում են Բաքվի շահերին։
Հայտարարությունում ասվում է նաև, որ 2 երկրների ԱԳՆ-ներին հանձնարարվել է՝ սկսել աշխատել խաղաղության պայմանագրի վրա՝ «մեկ տարի առաջ Ադրբեջանի առաջ քաշած նախաձեռնության և որոշ ժամանակ առաջ Բաքվի ներկայացրած բազային սկզբունքների հիման վրա»։
Հայտարարության մնացած մասը, ըստ էության, կրկնում է արդեն իսկ հնչած մտքերը։