Մինչ Դի Մարիան ֆուտբոլ էր խաղում, հանցագործները թալանում էին նրա տունը

Մինչ երեկ ՊՍԺ – «Նանտ» խաղն էր ընթանում, որին մասնակցում էր նաև Անխել Դի Մարինա, անհայտ անձինք մուտք են գործել արգենտինացու բնակարան ու թալանել տունը։

Այս մասին հայտնում է RMC Sport-ը։

Նշվում է, որ երբ այս մասին իմացել է փարիզյան ակումբի գլխավոր մարզիչ Մաուրիսիո Պոչետինոն, փոխարինել է Դի Մարիային, տեղյակ պահել նրան իրողությունների մասին, որից ֆուտբոլիստն անմիջապես ուղևորվել է տուն։ Ըստ աղբյուրի՝ հանցագործների՝ տուն մուտք գործելու պահին Դի Մարիայի ընտանիքի անդամները եղել են տանը։

Ըստ աղբյուրի՝ հանցագործներին հաջողվել է թալանել սեյֆի պարունակությունը։

Նշվում է նաև, որ ոստիկանությունն արդեն զբաղվում է այս գործով ու որոնում է թալանողներին և գողոնը։