Հայաստանի Հանրապետության նախագահ Արմեն Սարգսյանը հանդիպում է ունեցել ՀՀ մարդու իրավունքների պաշտպան Արման Թաթոյանի հետ։
Այս մասին տեղեկանում ենք ՀՀ նախագահի պաշտոնական կայքից։
- Ադրբեջանցիները պետք է հրատապ հեռացվեն ճանապարհներից Սյունիքում․ ՄԻՊ-ը՝ Գերմանիայի ԱԳՆ-ի բարձրաստիճան պաշտոնյային
- Ոչ ոք չի կարող անտեսել մարդու իրավունքն ու արժանապատվությունը․ ՄԻՊ
«Նախագահն ու Մարդու իրավունքների պաշտպանն անդրադարձել են հայ-ադրբեջանական սահմանին տիրող իրավիճակին և դրանով պայմանավորված՝ սահմանային բնակչության խնդիրներին:
Արման Թաթոյանը Հանրապետության նախագահին է ներկայացրել Մարդու իրավունքների պաշտպանի աշխատակազմի կողմից Սյունիքի և Գեղարքունիքի մարզերում իրականացված փաստահավաք աշխատանքների արդյունքները, սահմանային բնակավայրերի բնակիչների խնդիրներն ու Ադրբեջանի գործողությունների հետևանքով նրանց իրավունքների ոտնահարման դեպքերը՝ ընդգծելով ապառազմականացված անվտանգության գոտու ստեղծման կարևորությունը:
ՄԻՊ-ը տեղեկացրել է նաև, որ սահմանային բնակիչների իրավունքների խախտման փաստերն իր աշխատակազմի կողմից պարբերաբար ներկայացվում են Հայաստանում գործող միջազգային կառույցներին և հավատարմագրված դիվանագիտական առաքելություններին։
Նախագահն ու Մարդու իրավունքների պաշտպանը մտքեր են փոխանակել ստեղծված իրավիճակի, ինչպես նաև մարդու իրավունքների պաշտպանության ոլորտում առկա մի շարք այլ խնդիրների շուրջ», – ասված է նախագահականի տարածած հայտարարության մեջ:
