Այսօր Աջափնյակ վարչական շրջանի Քաղաքացիական պայմանագիր կուսակցության համակիրների հետ հանդիպման ընթացքում վարչապետի պաշտոնակատար Նիկոլ Փաշինյանը ընդգծել է՝ այն, ինչ այսօր տեղի է ունենում Հայաստանում, ազգային ազատագրական պայքար է հանուն պետականության, հանուն ինքնիշխանության, հանուն անկախության:
«Մեզ ասում են՝ սրանք աթոռիկ կպել են չեն ուզում պոկվել: Այդ մեղադրանքը ես ինքս ինձ առաջադրել եմ բազմիցս, և ես ինքս իմ դատը արել: Բայց էդ ընթացքում ես ստացել եմ հազարավոր մարդկանց ուղերձ, որ ասել են՝ մեզ մենակ չթողնես: Եթե մենակ թողնես, կլինես իսկական դավաճան: Ես եկել եմ այն եզրակացության, որ մենք իրավունք չունենք հանձնվելու»,- նշել է Փաշինյանը։