Ցանցահենները կոտրել են լոնդոնյան ոստիկանության կայքն ու ոստիկանների սոցցանցերի էջերը։ Այս մասին հայտնում է The Independent-ը։
Անհայտ անձինք իրենց էջերում պրովոկացիոն գրառումներ են հրապարակել՝ այդպիսով փորձելով Բրիտանիայի ոստիկանության ուշադրությունը հրավիրել բանտում գտնվող ռեփեր Digga D-ի ձերբակալման վրա։
Նրանք պահանջել են ազատ արձակել ռեփերին, այլապես կշարունակեն պրովոկացիոն գրառումներ հրապարակել ոստիկանների էջերում։
Սքոթլանդ Յարդի ներկայացուցիչ Ռոյ Սմիթի խոսքերով՝ ներկայումս ոստիկանությունը փորձում է ոստիկանության տվյալների անվտանգությունն ապահովել և կոչ է անում ոստիկանների մասին տարածվող կեղծ լուրերին ուշադրություն չդարձնել։
Ենթադրաբար, ցանցահենները մատչում են ստացել MyNewsdesk հավելվածին, որը ավտոմատ նամակներ է ուղարկում և գրառումներ տարածում։