ԱԺ-ն առաջին ընթերցմամբ ընդունեց «Հարկային օրենսգրքում փոփոխություններ ու լրացումներ կատարելու մասին» օրենքի նախագիծը:
«Բարգավաճ Հայաստան» խմբակցությունը հայտարարեց, որ կողմ է հարկային փոփոխություններին, սակայն այս դեպքում օրինագիծն ունի թերություններ, հետևաբար դեմ է քվեարկում:
«Լուսավոր Հայաստան» խմբակցությունը ևս հայտնեց, որ եկամտահարկի համահարթեցմանը երբեք դեմ չի եղել, կիրառման բացասական ազդեցությունների չեղարկումն է քննադատում: Մանե Թանդիլյանը նշեց, որ առաջարկություններ անելը՝ նշանակում է գրել նոր հարկային օրենսգիրք:
Քվեարկությունը կայացավ՝ 72 կողմ, 32 դեմ ձայներով նախագիծն ընդունվեց: