Սեպտեմբերի 20-ին, ժամը 14:00-ին, Հովհ. Շարամբեյանի անվան ժողովրդական արվեստի կենտրոնում տեղի կունենա գեղարվեստական լուսանկարչության վարպետ Գագիկ Գասպարյանի հեղինակային աշխատանքների ցուցահանդեսի բացումը՝ «Հավերժի ճամփորդը. Հայաստան» խորագրով:
Թվային նորարարություններով լեցուն մեր ժամանակաշրջանում անհրաժեշտ է երիտասարդ սերնդին ներկայացնել լուսանկարչական արվեստի արդեն պատմություն դարձած փուլերից մեկը՝ ժապավենային լուսանկարչությունը: Գագիկ Գասպարյանի աշխատանքների ցուցադրությունը կներկայացնի 80-ական թվականների կոլորիտային լուսանկարչական շարքեր, որոնք տվյալ ժամանակահատվածի մասին պատմող վավերագրական պատկերներ են:
Կներկայացվի նաև թվային 9 լուսանկարչական աշխատանք:
Ցուցահանդեսը կգործի մինչև սեպտեմբերի 29-ը:
Մուտքն ազատ է:
Այս մասին տեղեկացնում են ՀՀ ԿԳՄՍՆ պաշտոնական կայքից։
