fbpx
Զինված Ուժեր

Հայ բժիշկները վիրահատել են գերեվարված ադրբեջանցի զինծառայողին (ՏԵՍԱՆՅՈւԹ)

Հայ բժիշկները վիրահատել են Արցախի պաշտպանության բանակի կողմից գերեվարված ադրբեջանցի զինծառայողին:

Այս մասին տեսանյութ է հայտնվել Инфотека24 պորտալում, որտեղ ռազմագերին բուժում է ստանում:

ԱԻ փոխնախարար Արմեն Փամբուխչյանը Facebook-ի իր էջում գրել է. «Լրատվականներում կարդացի, որ հայ բժիշկները վիրահատել են ադրբեջանցի ռազմագերուն: Կրկնվում եմ, բայց մեր արցախյան առաջին պատերազմի հաղթանակի գրավականներից մեկը եղել է հենց ռազմագերիների հետ վարվելաձևը, որը տեղավորվել է հումանիզմի և մնացած կոնվենցիաների տիրույթում:

Ավելի պարզ, ադրբեջանցին իմանալով իր հաձնվելուց հետո հետագա ճակատագիրը, նախընտրել է գերի ընկնել, քան կռվել, իսկ մեր տղաները միշտ նախընտրել են նռնակով պայթեցնել իրանց և թշնամուն համատեղ, քան հանձնվել:

Ռոբերտ Աբաջյանը և մյուսները վկա…

Հ.Գ. անգամ պատերազմում հումանիզմով ենք հաղթում»:

Հիշեցնենք, որ նախօրեին սոցցանցերում տեսանյութ է հայտնվել, որում ադրբեջանցի զինվորականները ցուցադրաբար գնդակահարում են հայ աշխարհազորայիններին, որոնք գերության մեջ էին հայտնվել և զենքերը վայր դրել։ Ընդ որում, հայ գերիներից մեկը մոտ 70 տարեկան էր։

https://www.facebook.com/armen.pambukhchyan/posts/3360712124016814

ԱՄԵՆԱԴԻՏՎԱԾՆԵՐԸ

ՎԵՐ