fbpx
Աշխարհ

Հայ Դատը կոչ է արել ԱՄՆ-ին դադարեցնել ադրբեջանական բանակի ֆինանսավորումը

Ամերիկայի Հայ Դատի հանձնախմբի գրասենյակը (ANCA) անդրադարձել է ադրբեջանական ԶՈՒ-ի կողմից Գեղարքունիքի մարզում հայ զինծառայողների գերեվարմանը։

Հայ Դատի հանձնախմբի գրասենյակը հորդորել է կոչ անել ԱՄՆ Կոնգրեսին դադարեցնել Միացյալ Նահանգների հարկերի հաշվին ֆինանսավորել ադրբեջանական բանակը։

«Ադրբեջանական զինուժը, որը պարզապես ևս մեկ անգամ ներխուժել է Հայաստան և գերեվարել 6 հայ զինվորի՝ կպչուն ժապավենով փաթաթելով նրանց ձեռքերն ու գլուխները, գումարներ է ստանում ԱՄՆ-ի հարկերից։ Կանգնեցրեք դա հիմա՛։ Կոչ արեք Կոնգրեսին հիմա՛», – գրված է լուսանկարին կից հայտարարության մեջ։

Այս մասին գրված է կազմակերպության facebook-ում, որին կից հրապարակված է հայ գերեվարված զինվորների լուսանկարը։

Հիշեցնենք, որ այսօր վաղ առավոտյան, Հայաստանի Հանրապետության Գեղարքունիքի մարզի սահմանային հատվածում, ՀՀ ԶՈՒ N զորամասի պահպանության տարածքում ինժեներական աշխատանքներ կատարելիս, ադրբեջանական զինված ուժերի զինծառայողների կողմից շրջափակվել և գերեվարվել է ՀՀ ԶՈՒ վեց զինծառայող։

ԱՄԵՆԱԴԻՏՎԱԾՆԵՐԸ

ՎԵՐ