Գերմանիայի մայրաքաղաք Բեռլինում անցկացված Կիոկուշին Կարատեի 2-րդ KWU Եվրոպայի պատանեկան առաջնությանը մասնակցել է նաև Հայաստանի Ազգային ֆեդերացիայի հավաքականը:
Հայ պատանիները 4 մեդալ են նվաճել: 14-15 տարեկանների` 45 կգ քաշայինների պայքարում չեմպիոնի կոչումը նվաճել է Արեն Կարապետյանը: Անգելինա Աղասյանը, Արամ Միքայելյանը և Դավիթ Պապայանը դարձել են բրոնզե մեդալակիրներ:
Նշենք` մրցաշարին 26 երկրի` 12-ից 17 տարեկան 400-ից ավելի մարզիկ է մասնակցել:
