Շախմատի համաշխարհային օլիմպիադան շարունակվելու է առանց Հայաստանի հավաքականի: 1/4 եզրափակչում Հայաստանի հավաքականի մրցակիցը Հնդկաստանի ընտրանին էր: Առաջին խաղն ավարտվել էր հնդիկ շախմատիստների հաղթանակով՝ 2,5-3,5 հաշվով:
Մեր թիմում հաղթանակներ են տարել Էլինա Դանիելյանը և Աննա Սարգսյանը: Լևոն Արոնյանը պարտիան ավարտել է ոչ-ոքի, իսկ Գաբրիել Սարգսյանը, Հայկ Մարտիրոսյանը և Լիլիթ Մկրտչյանը պարտություն են կրել:
Սակայն, տեղեկություն է տարածվել, որ Հայկ Մարտիրոսյանի պարտիան բողոքարկվել է, քանի որ «Zoom» ծրագրի հետ կապված խնդիր է եղել, ինչի պատճառով Հայկը չի կարողացել քայլ անել: Բողոքարկումը, սակայն, չի ընդունվել: Ի նշան բողոքի՝ Հայաստանի հավաքականը հրաժարվել է շարունակել մրցաշարը և լքել է այն: Երկրորդ ռաունդը չի կայացել: Արդյունքում Հայաստանին գրանցվել է պարտություն 2-0 հաշվով:
Հայաստանի հավաքականի առաջատար Լևոն Արոնյանը Twitter-ի գրառումով հայտնել է, որ որպես թիմի առաջատար ինքը բավարարված չէ ՖԻԴԵ-ի որոշումից:
«Հայաստանի թիմը ցանկանում է այդ պարտիան շարունակել նույն քայլից, նույն խաղաժամանակից և խնդիրը եղել է ծրագրային»,- գրել է Արոնյանը։
2/2 and it was a problem access to https://t.co/Q2outGb8jx, not on our side. All we asked for was to continue that game from the same position and same time. Is it too much to ask?
— Levon Aronian (@LevAronian) August 28, 2020