Հայաստանը ստացել է ԵՄ-ի հետ վիզաների ազատականացման գործողությունների ծրագիրը

ԵՄ-ն Հայաստանին պաշտոնապես փոխանցել է ՀՀ-ԵՄ վիզաների ազատականացման գործողությունների ծրագիրը։ Փաստաթուղթը հանձնվել է ՀՀ ներքին գործերի նախարար Արփինե Սարգսյանին՝ փոխվարչապետ Մհեր Գրիգորյանի ներկայությամբ։ Սարգսյանը նշել է, որ ծրագիրը Հայաստանի և ԵՄ-ի գործընկերության կարևոր փուլ է և լայն հանրային ուշադրություն է ձևավորել։ Կողմերը գոհունակությամբ ընդգծել են մինչ օրս գրանցված առաջընթացը և վերահաստատել ծրագրով նախատեսված միջոցառումների իրականացման հանձնառությունը։