Կառավարություն

Հայաստանը Վրաստանից սովորելու բան ունի քրեական մշակույթի դեմ պայքարում․ Ռուստամ Բադասյան

Քրեական ենթամշակույթի դեմ պայքարում Հայաստանը Վրաստանից սովորելու բան ունի՝ հաշվի առնելով այն փորձը, որը մեր բարեկամական երկիրը կուտակել է: Այս մասին այսօր՝ դեկտեմբերի 9-ին, Վրաստանի փոխվարչապետ, արդարադատության նախարար Թեա Ցուլուկիանիի հետ համատեղ մամուլի ասուլիսում ասաց ՀՀ արդարադատության նախարար Ռուստամ Բադասյանը:

«Մարդու իրավունքների եվրոպական դատարանի որոշումներում կա մեր դատարանների որոշումների գնահատական, և կա այդ գնահատականներում նշված սխալները կրկնելու խնդիրը»,- նշեց նա:

Նախարարի խոսքով՝ Հայաստանի կառավարության համար մարդու իրավունքը առաջնահերթ ուղղություն է և բացառիկ արժեք, դրա հետ մեկտեղ Հայաստանի իշխանությունները կամք են դրսևորում կազմակերպված հանցավորության դեմ պայքարում:

«Կոռուպցիայի և կազմակերպված հանցավորության դեմ որքան էլ խիստ պայքար մղվի, անհրաժեշտ է բացառել մարդու իրավունքների խախտումը, դրա հետ մեկտեղ անհրաժեշտ է խիստ պայքար մղել կազմակերպված հանցավորության դեմ, և համանման կազմակերպությունների մեջ ներքաշված մարդիկ պետք է զրկված լինեն հանրության շրջանում իրենց ազդեցությունը տարածելու հնարավորությունից»,-եզրափակեց նա:

Նշենք, որ Երևանում ընթանում է հայ-վրացական իրավաբանական 3-րդ համաժողովը:

ՎԵՐՋԻՆ ԼՈւՐԵՐ

Վերեվ