fbpx
Հասարակություն

Հայկ Մարությանի շնորհավորական ուղերձը բուժաշխատողի օրվա առիթով

Երևանի քաղաքապետ Հայկ Մարության շնորհավորական ուղերձ է հղել Բուժաշխատողի օրվա կապակցությամբ: Ուղերձում ասվում է.

Հարգելի բուժաշխատողներ,

շնորհավորելով ձեզ մասնագիտական տոնի՝ բուժաշխատողի օրվա կապակցությամբ, ցանկանում եմ երախտիքի խոսքեր հղել ձեզ՝ ձեր անձնուրաց ու երբեմն անշնորհակալ աշխատանքի համար:
Պետք է խոստովանել, որ տասնյակ տարիներ շարունակ բուժաշխատողները աշխատել են այնպիսի պայմաններում, որոնք հաճախ չեն պատշաճել բժշկի բարձր կոչմանն ու առաքելությանը: Եվ հաճախ դա, կամա թե ակամա, ազդել է ոլորտում մատուցած ծառայությունների որակին ու արդյունավետությանը՝ նաև անգամ ցավալիորեն ստվերելով բժշկի ու բժշկության բարի համբավը: Ուզում եմ, որ վստահ լինենք՝ առողջապահության ոլորտում բարեփոխումները, բուժաշխատողի աշխատանքային պայմանների բարելավումը, բուժհիմնարկների շենքային պայմանների բարելավումը ու մասնագիտական վերապատրաստումը, կատարելագործումը մեր հիմնական առաջնահերթություններից են, և մենք գուցե ցանկալիից ավելի դանդաղորեն, բայց վստահ քայլերով շարժվում ենք մեր քաղաքում արժանապատիվ ու որակյալ առողջապահություն ունենալու ճանապարհով:

Սիրելի բուժաշխատողներ,
ուզում եմ շնորհակալական խոսքեր հղել ոլորտում ներգրավված բոլո՛ր մասնագետներին՝ բժիշկներին, բուժքույրերին ու բուժակներին, մանկաբարձներին, սանիտարներին ու շտապ օգնության վարորդներին՝ բոլոր նրանց, ովքեր իրենց կյանքը նվիրել են ուրիշի կյանքը փրկելու և առողջացնելու պատվաբեր գործին:

ԱՄԵՆԱԴԻՏՎԱԾՆԵՐԸ

ՎԵՐ