fbpx
Առողջապահություն

11:27 5/9/2019

Հայտնի բժիշկը հերքում է Արսեն Թորոսյանի պնդումը

Առողջապահության նախարար Արսեն Թորոսյանը նախօրեին իր սկանդալային ասուլիսից հեռանալուց հետո ֆեյսբուքյան ուղիղ եթերում հայտարարել էր, թե Ֆանարջյանի անվան ուռուցքաբանության կենտրոնի տնօրենի տեղակալ, հանրահայտ օնկոլոգ Վարուժան Շահսուվարյանը կենտրոնից հեռացել է ոչ թե նույն կենտրոնի տնօրեն Արմեն Տանանյանին առանց որևէ հիմնավորման ազատելու իր որոշման հետ անհամաձայնության պատճառով, այլ այն պատճառով, որ վաղուց այլ բուժկենտրոնից առաջարկ էր ստացել: Այս մասին գրում է «168 ժամ»-ը։

«168 Ժամը» կապվել է բժիշկ Շահսուվարյանի հետ՝ պարզելու՝ արդյոք նախարարի հայտարարությունը համապատասխանո՞ւմ է իրականությանը: Վարուժան Շահսուվարյանը թերթի հետ զրույցում հերքել է նախարարին՝ ասելով, որ իր հեռացումը պայմանավորված է բացառապես ուռուցքաբանության կենտրոնում Արսեն Թորոսյանի որոշման արդյունքում ստեղծված իրավիճակով:

«Նախարարի տեղեկատվությունը չի համապատասխանում իրականությանը. 22 տարի բուժական գործունեությամբ եմ զբաղվում, որից 13 տարին աշխատել եմ Ֆանարջյան ուռուցքաբանական կենտրոնում: Անգամ արտերկրից մշտապես տարբեր առաջարկներ եմ ստացել այլ կենտրոններ տեղափոխվելու, ինչը, կարծում եմ, կփաստեն նաև գործընկերներս, սակայն չեմ ընդունել դրանք: Միանշանակ կրկնում եմ օրեր առաջ արածս հայտարարությունը, որ իմ հեռանալը Ֆանարջյանի անվան կենտրոնից կապված է միմիայն կենտրոնի շուրջ վերջին զարգացումների հետ»,-թերթի հետ զրույցում ասել է բժիշկը:

Ամբողջական հոդվածը կարող եք կարդալ թերթի այսօրվա համարում:

Վերեվ