Հոկտեմբերի 8-ին՝ Երևանի ժամանակով 22:45-ին, մեկնարկելու է Իսլանդիա-Հայաստան Աշխարհի առաջնության որակավորման խմբային փուլի 7-րդ տուրի հանդիպումը։
Խաղը սպասարկելու է Չեռնոգորիայից ժամանած մրցավարական խումբը՝ Նիկոլա Դաբանովիչի գլխավորությամբ։
Այս մասին հայտնում է FIFA-ի պաշտոնական կայքը։
Դաբանովիչին եզրերում օգնելու են Միլովան Ջուկիչն ու Վլադան Տոդորովիչը, իսկ 4-րդ պաշտոնյան կլինի Միլոշ Բոշկովիչը։
Հիշեցնենք, որ 6 տուրերից հետո Հայաստանի հավաքականը վաստակած 11 միավորով զբաղեցնում է J խմբի մրցաշարային աղյուսակի 2-րդ հորիզոնականը։