ՀՀ Պարետատան և Հայաստանի ֆուտբոլի ֆեդերացիայի միջև ձեռք է բերվել պայմանավորվածություն, ըստ որի ՀՀ Բարձրագույն և Առաջին խմբերի ակումբները կարող են վերսկսել մարզումները ապրիլի 23-ից:
Այս մասին տեղեկացնում են ՀՖՖ պաշտոնական կայքից։
Նշվում է, որ Բարձրագույն խմբի և Առաջին խմբի ակումբներին կտրամադրվեն թեստեր, որոնց միջոցով ակումբները ֆուտբոլիստներին և անձնակազմին պետք է թեստավորեն մինչ մարզումների սկիզբը։
Ըստ աղբյուրի՝ յուրաքանչյուր ակումբի կազմում մարզմանը միաժամանակ կարող է մասնակցել ոչ ավել, քան 20 անձ։
Նշվում է նաև, որ մեկ շաբաթ անց ՀՖՖ-ն կքննարկի Հայաստանի Բարձրագույն և Առաջին խմբերի առաջնությունների, ինչպես նաև VBET գավաթի խաղարկության վերսկսման հարցը։