Հայաստանի Ազգային ժողովի այս նստաշրջանի թերևս ամենաինտրիգային հարցը պարզվեց․ Ազգային ժողովի ընդդիմադիր փոխնախագահի պաշտոնում ընտրվեց ԲՀԿ խմբակցության կողմից առաջադրված Վահե Էնֆիաջյանը։ Նրա հետ մրցում էր ԼՀԿ-ից առաջադրված Մանե Թանդիլյանը։ Ձայները բաշխվեցին հետևյալ համամասնությամբ (2 բացակա, 3 անվավեր)․
- Վահե Էնֆիաջյան – 108 կողմ,
- Մանե Թանդիլյան – 19 կողմ։
Ազգային ժողովի մյուս երկու փոխնախագահների պաշտոններում քվեարկության արդյունքներով «Իմ քայլը» դաշինքի կողմից առաջադրված Ալեն Սիմոնյանը և Լենա Նազարյանը։ Նրանց ձայները բաշվեցին հետևյալ կերպ․
- Ալեն Սիմոնյան – 109 կողմ, 20 դեմ, 1 անվավեր, 2 բացակա
- Լենա Նազարյան – 124 կողմ, 3 դեմ, 3 անվավեր, 2 բացակա։
Քվեարկության այս արդյունքները քիչ առաջ ԱԺ ամբիոնից հայտարարեց խորհրդարանի հաշվիչ հանձնախմբի ղեկավար Վահագն Հովակիմյանը։
Հիշեցնենք, որ Ազգային ժողովի նախագահն ընտրվել է երեկ՝ ԱԺ նիստի առաջին իսկ ժամերին։ 131 կողմ, 1 անվավեր քվեներով այդ պաշտոնում ընտրվել է «Իմ քայլը» դաշինքի կողմից առաջադրված Արարատ Միրզոյանը։ Նրան, փաստորեն, աջակցել են ԱԺ անցած բոլոր ուժերը։
Գրում է shantnews-ը։