fbpx
Աշխարհ

17:30 11/9/2019

Հեռացավ պատերազմի կողմնակիցը․ Իրանից մեկնաբանել են Բոլթոնի հրաժարականը

Իրանի կառավարության ներկայացուցիչ Ալի Ռաբիին, մեկնաբանելով ԱՄՆ նախագահի ազգային անվտանգության հարցերով խորհրդական Ջոն Բոլթոնի հրաժարականը, հայտնել է, որ հեռացել է պատերազմի և տնտեսական ճնշման ամենախոշոր կողմնակիցը։ Այս մասին հաղորդում է РИА Новости-ն:

«Ջոն Բոլթոնը շատ ամիսներ առաջ խոստացել էր, որ 3 ամսից Իրանը չի լինի: Մենք մինչև հիմա կանգուն ենք, իսկ նա հեռացավ: Պատերազմի և տնտեսական ճնշման կողմնակցի հեռացումով Սպիտակ տունը Իրանի իրողությունները հասկանալու ավելի քիչ խոչընդոտներ կունենա»,- նշել է Ռաբիին Twitter-ում:

Իրանի ԱԳՆ-ն իր հերթին հայտնել է, որ գերատեսչության ղեկավար Մոհամմեդ Ջավադ Զարիֆը, պատասխանելով ամերիկացի լրագրողի՝ Բոլթոնի հրաժարականը մեկնաբանելու խնդրանքին, հայտարարել է, որ նախարարությունը ԱՄՆ ներքին գործերի վերաբերյալ որև հայտարարություն չի հրապարակի:

Ավելի վաղ ԱՄՆ նախագահ Դոնալդ Թրամփը հայտարարել էր, որ ազգային անվտանգության հարցերով իր խորհրդական Ջոն Բոլթոնին խնդրել է հրաժարական ներկայացնել նրա հետ տարաձայնությունների պատճառով: Նա հայտնել էր, որ նախատեսում է հաջորդ շաբաթ հայտարարել, թե այդ պաշտոնում Բոլթոնին ով կփոխարինի: Բոլթոնն իր հերթին հայտարարել էր, որ ԱՄՆ առաջնորդին ինքն է առաջարկել իր հրաժարականը:

Վերեվ