fbpx
Կրթություն

21:00 6/9/2019

ՀՀ-ում կանցկացվի Համադպրոցական գիտության փառատոն

Հայաստանի Հանրապետության կրթության, գիտության, մշակույթի եւ սպորտի նախարարությունը տեղեկացնում է, որ 2019-2020 ուսումնական տարում կազմակերպվում է Համադպրոցական գիտության փառատոն:

Փառատոնի նպատակն է դպրոցահասակ երիտասարդների շրջանում գիտական հետազոտությունների նկատմամբ հետաքրքրության սերմանումը, խմբային աշխատանքի, նորարարական ծրագրերի իրականացման եւ դրանց ներկայացման հմտությունների զարգացումը:

Համադպրոցական գիտության փառատոնի մասնակցության համար անհատական կամ հետազոտական խմբերը (մինչեւ 3 աշակերտ), գիտական ղեկավարի եւ խորհրդատուի աջակցությամբ, ուսումնական տարվա ընթացքում պետք է իրականացնեն իրենց կողմից առաջադրված գիտահետազոտական ծրագիրը, որի արդյունքները կներկայացնեն Փառատոնի եզրափակիչ փուլում: Եզրափակիչ փուլի ընթացքում աշակերտների կողմից ներկայացված հետազոտական ծրագիրը կգնահատվի մասնագիտական հանձնաժողովի կողմից: Այս փուլը հաղթահարած մասնակիցներն իրենց ծրագրերը կներկայացնեն ԱՄՆ-ում 2020 թվականի մայիսին անցկացվող Միջազգային գիտատեխնիկական փառատոնին (International Science and Engineering Fair), որի շրջանակում անցկացվող մրցույթի մրցանակային ֆոնդը կազմում է 5 մլն. ԱՄՆ դոլար:

Համադպրոցական գիտության փառատոնին ներկայացվող հետազոտական ծրագրերի ոլորտների ցանկը տեղադրված է ԿԳՄՍՆ կայքում.

Ներկայացվող ծրագրերը պետք է համապատասխանեն հետեւյալ նվազագույն պահանջներին.

• ավագ դասարանի աշակերտների կողմից առաջադրված եւ իրականացված,

• մեկ ուսումնական տարվա ընթացքում իրականանալի,

• նոր եւ նախկինում չիրականացված

Համադպրոցական Գիտության Փառատոնի ժամանակացույց.

• սեպտեմբեր 2019թ. – հայտերի ընդունում

• հոկտեմբեր 2019թ. – ծրագրերի քննարկում, խորհրդատուի ընտրություն

• հոկտեմբեր 2019թ. – մարտ 2020թ. – ծրագրերի իրականացում

• մարտ 2020թ. – Գիտության փառատոնի եզրափակիչ փուլ

• ապրիլ 2020թթ. – Միջազգային գիտատեխնիկական փառատոնին մասնակցության համար ծրագրերի փաթեթի պատրաստում եւ ներկայացում:

Հայտերը կարող եք ուղարկել asef@scs.am էլեկտրոնային հասցեին, որպես նամակի վերնագիր նշելով դպրոցի համարը:

Հայտերի ընդունման վերջնաժամկետը 2019թ. հոկտեմբերի 7-ն է:

Լրացուցիչ տեղեկությունների համար.

էլեկտրոնային հասցե՝ asef@scs.am

Հեռախոս – 094-542472

Վերեվ