Հասարակություն

Հնարավոր է, որ հունիսի 2-ին կկայանա Նուր-Սուլթան-Երևան-Նուր-Սուլթան չվերթը

Ղազախստանում ՀՀ դեսպանությունը հայտարարություն է տարածել Facebook-ում: Դեսպանությունը նոր տեղեկատվություն է հայտնում կայանալիք չարտեային չվերթի մասին:

«Հայտարարություն ‼️

Հարգելի՛ հայրենակիցներ,

Տեղեկացնում ենք, որ, Ղազախստանում ՀՀ դեսպանության ունեցած նախնական տվյալներով, հնարավոր է՝ ս.թ. հունիսի 2-ի կեսօրին կայանա Նուր-Սուլթան-Երևան-Նուր-Սուլթան «SCAT» ավիաընկերության չարտերային չվերթ՝ կոմերցիոն հիմունքներով։
Բոլոր անհրաժեշտ մանրամասների պաշտոնապես հաստատվելուն պես ՀՀ դեսպանությունը լրացուցիչ կտեղեկացնի այդ մասին։

ՀՀ մուտք գործելու իրավունք ունեցող անձանց մասին տեղեկատվությանը կարելի է ծանոթանալ Պարետատան պաշտոնական կայքից՝
https://covid19.gov.am/hy/travel_and_coronavirus
https://www.gov.am/am/covid-travel-restrictions/

Հիշեցնում ենք, որ ՀՀ կառավարության որոշմամբ Հանրապետությունում արտակարգ դրության ռեժիմը երկարաձգվել է մինչև ս.թ. հունիսի 13-ը:
Այս ընթացքում արտերկրից Հայաստան ժամանող անձանց համար գործելու է 14-օրյա ինքնամեկուսացման պարտադիր պահանջը, որի խախտման համար նախատեսված է վարչական և քրեական պատասխանատվություն:
ՀՀ դեսպանության կողմից քաղաքացիներին կտրամադրվի Ծանուցագիր, որն անհրաժեշտ կլինի ներկայացնել ՀՀ սահմանը հատելիս։
Հայաստան մեկնել պատրաստվող անձանց խնդրում ենք նախապես հայտնել Ղազախստանում ՀՀ դեսպանություն մեկնելու իրենց ցանկության մասին՝ իրենց կողմից նախանշված ինքնամեկուսացման վայրեր տեղափոխումն օպերատիվ կերպով կազմակերպելու և իրականացնելու նպատակով: Անհրաժեշտ տվյալները (ԱԱՀ, անձնագրի, ծննդյան, կոնտակտային տվյալներ, ինքնամեկուսացման հասցե, հանձնվող ուղեբեռի քանակ, կտոր) կարելի է ուղարկել ՀՀ դեսպանության էլեկտրոնային փոստի հասցեին (armkazakhstanembassy@mfa.am) կամ ՀՀ դեսպանության հյուպատոսական բաժնի հեռախոսահամարին (+77782291881) WhatsApp հավելվածի օգնությամբ։

Սույն հայտարարության հրապարակումը հետապնդում է միայն 1 նպատակ՝ ՀՀ քաղաքացիներին հնարավորություն ընձեռել հնարավորինս նախապատրաստվել հնարավոր չվերթին։ ՀՀ դեսպանությունը պատասխանատվություն չի կրում չվերթի նախնական տվյալների փոփոխման դեպքում»,-ասվում է հայտարարությունում։

[ԹԱՐՄԱՑՈՒՄ] 02/06/2020 18:30Տեղեկացնում ենք, որ պաշտոնապես հաստատվել է Նուր-Սուլթան-Երևան «SCAT» ավիաընկերության DV…

Geplaatst door Посольство Армении в Казахстане/Арменияның Қазақстандағы Елшілігі op Zondag 31 mei 2020

ՎԵՐՋԻՆ ԼՈւՐԵՐ

ՎԵՐԵՎ