Հնդկաստանի Ուտար Պրադեշ և Ուտար Կխանդ նահանգների ընդհանուր թվով 97 բնակիչ է մահացել ալկոհոլային թունավորումից։ Նրանք ոգելից խմիչքն օգտագործել էին Բալլուփուր գյուղում իրենց ծանոթի հուղարկավորությունից հետո մատուցված հոգեհացի ժամանակ։
Հոգեհացի հաջորդ օրը հուղարկավորության մասնակիցների ինքնազգացողությունը վատացել է։ Երեք օր շարունակ հաղորդումներ են ստացվել մահվան դեպքերի մասին։
Միջադեպից հետո իրավապահներն արդեն 200 մարդու են ձերբակալել, առգրավվել է շուրջ 10 հազար լիտր կեղծ ալկոհոլ։ Ակցիզների տրամադրման համար պատասխանատու գերատեսչությունից մարդիկ են ազատվել աշխատանքից։
