Հնդկաստանում սրճարանների խոշորագույն ցանցի սեփականատեր Վի Ջի Սիդդհարտան անհետ կորել է։ Այս մասին հաղորդում է CNN-ը:
Միլիարդատիրոջ անհետացման մասին հայտարարությամբ հանդես է եկել նրա կողմից հիմնված Coffee Day Enterprises ընկերությունը:
Ընկերության հայտարարությունում նշվում է, որ Սիդդհարտան երեկ երեկոյանից անհասանելի է:
Ոստիկանության կոմիսար Մանգալուր Սանդիպ Պատիլը հեռուստաալքին հայտնել է, որ երկուշաբթի Սիդդհարտան մեքենայով Բանգալորից Մանգալուր է ուղեւորվել:
Նրա խոսքով՝ ճանապարհին նա կանգ է առել Նետրավատի գետի կամրջով զբոսնելու համար. հենց այդ կետում գետը թափվում է Արաբական ծովը:
Կոմիսարը նշել է, որ առափնյա պահակախումբը եւ տեղացի ձկնորսները զբաղվում են գետում միլիարդատիրոջ որոնումներով:
Սիդդհարտան Coffee Day ընկերությունը հիմնել է 1993 թվականին: Այդ ժամանակվանից այն վերածվել է ամբողջ Հնդկաստանով սրճարանների խոշորագույն ցանցի. ընդհանուր առմամբ երկրի 245 քաղաքներում ավելի քան 1700 սրճարաններ կան:
ԽՈՐՀՈւՐԴ Է ՏՐՎՈւՄ ԿԱՐԴԱԼ
