Մայիսի 8-ին ՀՀ վարչապետ Նիկոլ Փաշինյանի մամուլի ասուլիսի ժամանակ լրագրողներից մեկը ասաց, որ վարչապետը հայտարարել էր, որ Ռուսաստանի նախագահին հրավիրել է Երևան, և նա ընդունել է հրավերը, եթե ոչ տարեվերջին, ապա այս տարվա արդեն սկզբում այդ հանդիպումը կկայանա: Լրագրողը հետաքրքրվեց, թե ինչով է պայմանավորված, որ ՌԴ նախագահը դեռ չի եկել:
Վարչապետը պատասխանեց, որ հոկտեմբերի 1-ին ՌԴ նախագահը կժամանի Երևան:
«Եվ ոչ միայն Ռուսաստանի Դաշնության նախագահը, այլև ԵԱՏՄ երկրների ղեկավարները Երևանում կհավաքվեն ԵԱՏՄ բարձրագույն խորհրդի նիստին», – հավելեց վարչապետը: