fbpx
Չդասակարգված
17:30 12/08/2019

Հոնկոնգում ցուցարարները օկուպացրել են օդանավակայանը․ չվերթեր են չեղարկվել

Հոնկոնգի միջազգային օդանավակայանում մեկնման և ժամանման բոլոր չվերթերը չեղարկվել են. պատճառը բազմահազարանոց հակակառավարական ցույցերն են։

Ինչպես հաղորդում է РИА Новости-ն, ցուցարարներն օկուպացրել են օդանավակայանը, իսկ օդանավակայանի վարչակազմը կարգադրել է մինչև օրվա վերջը բոլոր չվերթերը չեղարկել։ South China Morning Post թերթի փոխանցմամբ՝ այն ինքնաթիռներին, որոնք արդեն օդում են, կթույլատրեն վայրէջք կատարել։

Նշենք, որ 2 ամիս առաջ արտահանձնման վերաբերյալ օրինագծի դեմ զանգվածային բողոքներ սկսվեցին։ Օրինագիծը նպատակ ունի կարգավորել այն անձանց Հոնկոնգից մայրցամաքային Չինաստանին հանձնելու մեխանիզմը, որոնց կասկածում են ՉԺՀ-ի օրենեքների խախտման մեջ կամ որոնք գտնվում են հետախուզման մեջ:

Հասարակայնության ճնշման ներքո տեղի վարչակազմի ղեկավար Քերրի Լամն օրինագիծը հանել է օրակարգից, բայց դա չի կանգնեցրել հակակառավարական բողոքների ալիքը։

ՎԵՐՋԻՆ ԼՈւՐԵՐ

Վերեվ