Հոնկոնգի Գերագույն դատարանը Սահմանադրությանը հակասող է ճանաչել հանրահավաքների ժամանակ դիմակներ կրելու արգելքը: Այս մասին տեղեկացնում է South China Morning Post թերթը:
Ավելի վաղ մի խումբ դեմոկրատներ բողոքարկել էին արտակարգ դրության դեպքում ձեռնարկվող միջոցների մասին հատուկ օրենքը: Ըստ դրա՝ Հոնկոնգի վարչակազմը կարող է իր հայեցողությամբ ցանկացած միջոց ձեռնարկել անպիսի արտակարգ իրավիճակների ծագման դեպքում, որոնք սպառնալիք են հասարակության համար: Հենց այս օրենքի շրջանակում էլ արգելք էր սահմանվել հանրահավաքների ժամանակ դիմակներ կրելու դեմ:
Դատարանի վճռով արտակարգ դրության դեպքում միջոցառումների մասին օրենքն «անհամատեղելի է» Չինաստանի այդ հատուկ վարչական շրջանի Սահմանադրության հետ:
Հոնկոնգի իշխանությունները դիմակներ կրելու արգելք էին սահմանել հոկտեմբերի 4-ի ցույցերի ու հանրային միջոցառումների ժամանակ: Այն կոչված էր զսպելու հանրային անկարգությունները մեգապոլիսում:
