ՀՀ արտակարգ իրավիճակների նախարարությունը հայտնում է, որ օգոստոսի 30-ին, ժամը 15:38-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Աթոյան փողոցում գտնվող «Զովք» սուպերմարկետի մոտակայքում գտնվող ավտոտնակների հետնամասում հրդեհ է բռնկվել։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 15:49-ին, մարվել՝ 16:29-ին։ Այրվել են կուտակված աղբ (1 խմ) և ավտոտնակում՝ կենցաղային իրեր:
