Հյուսիսային Կորեայի զինվորականները հայտարարել են, որ ներկայումս անցկացվող փորձարկումներն անհրաժեշտ են երկիրն ամերիկյան միջուկային սպառնալիքից պաշտպանելու համար: Այս մասին հաղորդում է Interfax-ը:
Հյուսիսային Կորեայի ԶՈՒ Գլխավոր շտաբում պարզաբանել են, որ փորձարկումները անգնահատելի կարևոր տեղեկատվության աղբյուր են:
«Վերջերս իրականացրած թեստերի ընթացքում ստացված պաշտպանական տեխնոլոգիաները թույլ կտան մշակել ռազմավարական զենք, որը հնարավորություն կտա Հյուսիսային Կորեային վերջնականապես լուծել ԱՄՆ-ին զսպելու խնդիրը և նրանց նկատմամբ ուժային առավելություն ապահովել»,-հայտարարել են հյուսիսկորեական Գլխավոր շտաբում:
Շաբաթ օրը հայտնի էր դարձել, որ Հյուսիսային Կորեան անցկացրել է վերջին շաբաթների ընթացքում արդեն երկրորդ փորձարկումը Սոխե փորձադաշտում: Հարավկորեացի փորձագետները կարծում են, որ խոսքը վերաբերում է միջկոնտինենտալ բալիստիկ հրթիռների համար հեղուկային շարժչի թեստերին:
ԽՈՐՀՈւՐԴ Է ՏՐՎՈւՄ ԿԱՐԴԱԼ
