Facebook-ը կարգելի Huawei ընկերությանը պատկանող հեռախոսներին իր հավելվածների բեռնումը: Այս մասին հայտնում է South China Morning Post-ը:
Պարբերականը նշում է, որ սա վերջին հարվածն է չինական տեխնոհսկային, որը փորձում է ԱՄՆ պատժամիջոցներից հետո իր բիզնեսը պահպանել:
Սակայն ընկերությունից հաղորդել են Reuters-ին, որ այն գնորդները, որոնք արդեն ունեն Huawei-ի հեռախոսներ, կկարողանան օգտվել Facebook-ի հավելվածներից և թարմացումներ ստանալ:
Սակայն Huawei-ի նոր հեռախոսներն այսուհետև չեն կարողանա օգտվել Facebook-ի հավելվածներից, WhatsApp-ից և Instagram-ից:
