ԱԺ «Լուսավոր Հայաստան» խմբակցության պատգամավոր Անի Սամսոնյանն իր էջում գրել է, որ հուլիս-օգոստոս ամիսներին Արարատի մարզում արագիլների գոյության ճգնաժամ էր:
«Ամեն ինչ սկսվեց նրանից, որ բնակիչները հայտնաբերեցին սևացած արագիլներին ճանապարհներին։
Հաշվի առնելով բնապահպանների և կամավորների բազմաթիվ մտահոգությունները դիմել եմ Շրջակա միջավայրի նախարարություն, որպեսզի իմանամ, թե ինչ քայլեր են ձեռնարկվել տնտեսական գործունեության հետևանքով շրջակա միջավայրն աղտոտողներին հայտնաբերելու և պատասխանատվության ենթարկելու համար, ինչպես նաև՝ նախարարության կողմից արագիլների վերահաս վտանգը կանխելու նպատակով։
Ինձ պատասխանել են, որ Քրեական օրենսգրքի 394-րդ հոդվածով նախատեսված հանցագործության հատկանիշներ, ուստի փաստի առիթով նախապատրաստված նյութերն ուղարկվել է ՀՀ Գլխավոր դատախազություն։
Նշված է նաև, որ արագիլների մաքրման աշխատանքների ընթացքում մաքրվել է 20 արագիլ կամավորների հետ համատեղ։ Մաքրման աշխատանքներ են իրականացվել նաև արագիլների աղտոտման պատճառ հանդիսացող ջրանցքներում։
Մնացած մանրամասներին ծանոթացեք փաստաթղթում»,- գրել է պատգամավորը:
https://www.facebook.com/samsonyan.ani/posts/2471034676510157?__xts__[0]=68.ARB5_ncqBjzg3GvsmR_T_2Gi3bacG6qyT-4ONs7OmlKrgX2VZfmKVIXq7Q5sQWOsYlSlGrzvuZwb0LFyOB8odn4C6PpZc2wZCJsBvVf1Caw1DFtcFLCYwsussqAzlBMXZaRnIgfUqV42Qd7Xw5qt0m6LwYVQArByk-OCPXRXMC00AwP_wtXAizEmcOfwBYJvxhwa0Ek_BugpaTh5yt1fpkXZAZquBNXn6JUJNaikRWU0QXtAcJbevULFyl3tAIzddKdMHUe9YvKz-Z0z9lsDI6Fnj2q2ClqPLBwOSDt4Yzbm8Sgxt5s5oKprwsWHorXXGzkGQ7kh_rAwPy419aN8i5xyPkDp&__tn__=-R