Հունական Կալամատայի քաղաքապետարանն արձագանքել է տեղի հայ համայնքի խնդրանքին և հավանություն տվել Հայոց ցեղասպանության զոհերի հուշարձանի տեղադրմանը:
Հուշարձանի բացման արարողությունը տեղի է ունեցել նոյեմբերի 17-ին Հայ առաքելական եկեղեցու Հունաստանի եկեղեցու թեմի առաջնորդ Գեղամ արքեպիսկոպոս Խաչերյանի մասնակցությամբ:
Արարողությանը մասնակցել են տեղի պաշտոնյաներ և պատգամավորներ, որին նախորդել էր Սուրբ Նիկոլայի մատուռում մատուցված պատարագը: Մատուռը տեղի հայ համայնքին է տրամադրվում ժամերգություններ կատարելու համար:
Աղբյուրը՝ News.am