Մայիսի 15-ին քաղաքապետարանում կազմակերպված մամուլի ասուլիսի ժամանակ Երևանի գլխավոր ճարտարապետ Արթուր Մեսչյանն ասաց՝ հույս ունի, որ մետրոյի նոր կայարանի շինարարական աշխատանքները կսկսվեն մյուս տարվա սկզբից։
«Շինարարությունը կսկսենք կամրջից: Ցավոք սրտի, մենք հնարավորություն չունենք բյուջետային միջոցներով ծրագիրն իրականացնել, կառուցապատողների հետ ենք բանակցում: Կա՞ն արդյոք կառուցապատողներ, այո: Անուններ դեռ չեմ ասի, մյուս ասուլիսի ժամանակ մանրամասն կխոսենք», – նշեց Մեսչյանը: