«Էվերթոնի» գլխավոր մարզիչ Կառլո Անչելոտին հույս է հայտնել, որ «Լիվերպուլը» չեմպիոնական տիտղոսը չի նվաճի «Գուդիսոն Պարկում»։
«Լիվերպուլը» մտադիր է հաղթել ԱՊԼ-ում։ Ես հույս ունեմ, որ դա տեղի չի ունենա «Գուդիսոն Պարկում»։ Շատ ուրիշ մարզադաշտեր կան, ինչո՞ւ հենց «Գուդիսոն Պարկը», – Անչելոտիի խոսքերն է փոխանցում Daily Mail-ը։
Նշենք, որ թիմերը կհանդիպեն միմյանց ԱՊԼ-ի 30-րդ տուրում՝ մարտի 16-ին։
«Լիվերպուլն» այս պահին գլխավորում է Պրեմիեր Լիգայի մրցաշարային աղյուսակը ու իրեն հետապնդող «Մանչեսթեր Սիթիից» առաջ է 22 միավորով։
