«Միլանի» շվեդ աստղ Զլատան Իբրահիմովիչը կարող է շարունակել իր մրցելույթները ներկայիս ակումբի կազմում նաև 2021 թվականից հետո։
Այս մասին հայտնում է La Gazetta dello Sport-ը։
Նշվում է, որ միլանյան ակումբը կարող է ևս մեկ տարվա պայմանագիր առաջարկել Իբրային, որը նախատեսված կլինի մինչև 2022 թվականը։
Ըստ աղբյուրի՝ 39-ամյա ֆուտբոլիստի կարծիքով՝ «Միլանը» այս մրցաշրջանում կկարողանա նվաճել Չեմպիոնների Լիգայի ուղեգիր ու նա ցանկանում է իր ուժերը փորձել ՉԼ-ում։