«Ինտերի» հարձակվող Մաուրո Իկարդին հանդիպում է ունեցել ակումբի գլխավոր մարզիչ Լուչանո Սպալետիի, ինչպես նաև ակումբի բժշկական անձնակազմի հետ:
Ինչպես հայտնում է Sky Sport Italia-ն, հանդիպման ընթացքում հարձակվողը մարզչին տեղյակ է պահել, որ չի կարողանում մարզվել ծնկի շրջանում ունեցած ցավերի պատճառով:
Հիշեցնենք` Իկարդին արդեն մի քանի ամիս է չի խաղացել:
Ավելի վաղ հարձակվողը խաղում էր ցավազրկող ներարկումներով, բայց երբ «Ինտերը» զրկեց Մաուրոյին ավագի թևկապից, նա որոշեց լիովին բուժել վնասվածքը:
Ա Սերիայի ընթացիկ մրցաշրջանում Իկարդին 20 հանդիպման է մասնակցել, որոնցում դարձել է 9 գոլի և 2 գոլային փոխանցման հեղինակ: Ֆուտբոլիստի պայմանագիրը միլանյան ակումբի հետ նախատեսված է մինչև 2021 թվականի հունիսի 30-ը:
Հաղորդում է armsport.am-ը։
