fbpx
Խորհրդարան
21:50 21/01/2020

«Իմ քայլը» Երևանի քաղաքապետարանի ստացած նվերները հետաքննող հանձնաժողովի կազմի հաստատմանը դեմ կքվեարկի

«Իմ քայլը» Երևանի քաղաքապետարանի ստացած նվերները հետաքննող հանձնաժողովի կազմի հաստատմանը դեմ կքվեարկի

«Իմ քայլը» կառավարող դաշինքի խորհրդարանական խմբակցությունը դեմ է քվեարկելու Երևանի քաղաքապետարանի ստացած նվերները հետաքննող հանձնաժողովի կազմի հաստատմանը։ Այս մասին այսօր՝ հունվարի 21-ին, ՀՀ Ազգային ժողովի նիստում, խորհրդարանական հատուկ հանձնաժողովի գործունեության և լիազորությունների հարցի քննարկման ընթացքում, ասաց «Իմ քայլը» խմբակցության ղեկավար Լիլիթ Մակունցը։

Նրա խոսքով՝ այն բոլոր լիազորությունները, որոնք պետք է իրականացնի Ազգային ժողովը այդ հանձնաժողովի գործունեության միջոցով, արդեն հատկացվել են մայրաքաղաքի ավագանուն։

«Ուստի մենք կարծում ենք, որ այդ լիազորությունները պետք է կատարի Երևանի ավագանին։ «Իմ քայլը» դաշինքը որոշել է, որ չի առաջադրի իր թեկնածուներին այդ հանձնաժողովում և դեմ կքվեարկի այդ հանձնաժողովի կազմին»,-ընդգծել է Մակունցը՝ փաստորեն արգելափակելով «Լուսավոր Հայաստանի» նախաձեռնությունը։

Մինչ այդ հայտնի էր դարձել, որ Alex&Holding ընկերությունը, որը կապում են նախկին պատգամավոր Սամվել Ալեքսանյանի հետ, Երևանի քաղաքապետարանին է նվիրել 20 «ԿամԱԶ» մեքենա՝ տարբեր նպատակների համար։ Ընդ որում՝ քաղաքապետարանը և քաղաքապետ Մարությանը բարձրացված սկանդալից հետո հերքել են այն փաստը, որ նվերը ստացվել է Ալեքսանյանից՝ նշելով, որ ընկերությունը գրանցված է Հայկ Իսրայելյանի անունով։

ՎԵՐՋԻՆ ԼՈւՐԵՐ

Վերեվ