ՀՀ անվտանգության խորհրդի քարտուղար Արմեն Գրիգորյանը այսօր Կառավարության նիստից հետո լրագրողների հետ ճեպազրույց ունեցավ։
Դրա ընթացքում Գրիգորյանը անդրադարձավ նաև իր հայտնի հայտարարությանը, որ Օնիկ Գասպարյանը պատերազմի 4-րդ օրը ԱԽ նիստում չի հայտարարել պատերազմը դադարեցնելու անհրաժեշտության մասին։
Նա ասաց, որ իր հայտարարությունը հիմնվում է փաստաթղթերի ու արձանագրությունների վրա։ Գրիգորյանի խոսքով՝ իր ասածները արձանագրված են և դրանք փաստացի կան։ Նա նշեց, որ եթե անհրաժեշտություն լինի արձանագրությունները հրապարակելու, ապա միանշանակ հաստատվելու են բոլոր այն թեզերը, որոնք որոնք ինքն ասել է։