«Ատլետիկի» գլխավոր մարզիչ Մարսելինո Գարսիա Տորալն խոսել է Իսպանիայի գավաթի 1/4 եզրափակիչի՝ «Ռեալի» հետ հանդիպման (1:0) մասին:
«Մենք շատ գոհ ենք և հպարտ ենք կատարված աշխատանքից։ «Բարսելոնային» և «Ռեալին» մրցաշարից դուրս թողնելը չափազանց դժվար է: Եզրափակիչը դեռ հեռու է, և այն, որ մենք հաղթել ենք գրանդներին, դեռ չի նշանակում, որ մենք պետք է եզրափակիչում լինենք։
Հանդիպումը չափազանց կարևոր էր մեզ համար, մենք ցուցադրեցինք ինտենսիվ, հարձակողական ֆուտբոլ, կարող էին ավելի շատ գոլային պահեր լինել։ Եթե թույլ չես տալիս «Ռեալին» հարձակողական ֆուտբոլ խաղալ, ուրեմն՝ դու արդեն հաղթանակի ճանապարհի կեսին ես։ Մենք հիանալի աշխատանք ենք կատարել. դժվար է խաղադաշտում ճնշել «Ռեալին», ինչպես մենք դա արեցինք»,- Մարսելինոյի խոսքը մեջբերում է Marca-ն:
ԽՈՐՀՈւՐԴ Է ՏՐՎՈւՄ ԿԱՐԴԱԼ
