ԱՄՆ նախագահ Դոնալդ Թրամփը հայտարարել է, որ իր համար միևնույն է՝ Թեհրանը Վաշինգտոնի հետ բանակցությունների կգնա, թե ոչ։ Այս մասին Սպիտակ տան ղեկավարը գրել է Twitter-ի իր էջում։
Նրա խոսքով՝ գլխավորն այն է, որ Իրանը միջուկային զենք չունենա, իսկ երկրում բողոքողների դեմ բռնություն չկիրառվի:
«Ազգային անվտանգության հարցերով օգնականն այսօր առաջարկեց, որ պատժամիջոցներն ու բողոքի ցույցրերը հանգեցրել են նրան, որ Իրանի «թթվածինը փակվել» է, և դա նրանց կստիպի բանակցությունների գնալ: Իրականում ինձ ամենևին չի հետաքրքրում՝ նրանք արդյոք բանակցությունների կգնան: Դա կախված է միայն իրենցից, բայց ոչ մի միջուկային զենք և «մի սպանեք ձեր ցուցարարներին»,-գրել է նա:
National Security Adviser suggested today that sanctions & protests have Iran “choked off”, will force them to negotiate. Actually, I couldn’t care less if they negotiate. Will be totally up to them but, no nuclear weapons and “don’t kill your protesters.”
— Donald J. Trump (@realDonaldTrump) January 12, 2020