fbpx
Հասարակություն

Ինձ համար Արցախը և Ամուլսարը հայրենիք են նույն չափ․ Շիրակ Բունիաթյան

Բնապահպան Շիրակ Բունիաթյանը Facebook-ի իր էջում գրել է․

«Լինելով ծնունդով Ջերմուկից, 10 տարուց ավել ապրել եմ Արցախում։

Արցախը ինձ համար մոլորակի այն կարևորագույն կետն է, որտեղ ես ինձ վերագտնում եմ։

Այնտեղ է իմ մանկությունը, իմ դպրոցը, իմ ծնողների երիտասարդ և առողջ տարիները, այնտեղ է իմ տունը, որի պատերազմի ծխից սևացած պատերը ինձ ամեն օր կանչում են։

Այնեղ ամեն քարի, ծառի, առվի ու գետի մեջ ես գտնում եմ պատանեկությունս։

Այո՛ Արցախը իմ արմատն է, իմ հիմքը և նրա պաշտպանության համար չեմ խնայի ոչ ինձ և ոչ էլ որդիներիս ։

Արցախի մասին իմ պատկերացումով մի փոքր կիսվեցի, որպեսզի երբ ասում կամ գրում եմ, որ ԱՄՈՒԼՍԱՐԸ և ԱՐՑԱԽԸ ինձ համար նույն հարթության վրա են և նույն կերպ թանկ, ոմանք չմտածեն թե ես Արցախի տեղն ու կարևորությունը լավ չգիտեմ, դրա համար այդպես եմ ասում ։

Ինձ համար ԱՐՑԱԽԸ և ԱՄՈՒԼՍԱՐԸ ՀԱՅՐԵՆԻՔ են նույն չափ ու նույն կերպ և երկուսի համար էլ պայքարելու եմ չխնայելով ոչինչ»։

https://www.facebook.com/permalink.php?story_fbid=1027859130897314&id=100010197097701

ԱՄԵՆԱԴԻՏՎԱԾՆԵՐԸ

ՎԵՐ