Instagram-ը Ռուսաստանի տարածքում ամբողջությամբ արգելափակվել է։ Այս մասին հայտնել է «ՌԻԱ Նովոստի»-ն՝ Ռոսկոմնադզորին հղումով։
Սոցցանցին հասանելիությունը սահմանափակելու մասին որոշումն ընդունվել էր մարտի 11-ին Ռուսաստանի գլխավոր դատախազության պահանջով, իսկ ավելի ուշ հայտարարվել էր մարտի 14-ին այն վերջնականապես արգելափակելու որոշման մասին:
Նշվում էր, որ օգտատերերը սոցցանցի աշխատանքում խափանումներ նկատել են նաև երեկ, իսկ Մոսկվայի ժամանակով ժամը 19։00-ից սկսած՝ զանգվածային բողոքներ էին ստացվում։