fbpx
ՏՏ
09:00 19/02/2020

iPhone-ի համաշխարհային մատակարարումները ժամանակավոր կսահմանափակվեն

Չինաստանում Apple-ի մատակարար ձեռնարկությունների աշխատանքներում առաջացած բարդությունների պատճառով iPhone-ի համաշխարհային մատակարարումները ժամանակավորապես կսահմանափակվեն: Այդ բարդությունների պատճառը կորոնավիրուսի ստեղծած համընդհանուր ճգնաժամային իրավիճակն է: Այդ մասին ասված է ընկերության տարածած հաղորդագրության մեջ։

Ըստ հայտարարության՝ Չինաստանում պահանջարկի նվազման պատճառով Apple-ի եկամուտներն ընթացիկ եռամսյակում ավելի ցածր կլինեն նախկինում հայտարարված կանխատեսվող ցուցանիշներից:

«Չինաստանում մեր բոլոր խանութները, ինչպես նաև գործընկեր խանութներից շատերը փակվել են: Բացի դրանից՝ բաց խանութներն աշխատում են կրճատված ժամերով»,-նշված է հաղորդագրության մեջ:

Ընկերությունը հավաստիացրել է, որ Չինաստանում մանրածախ առևտրի կենտրոնները առաջին հնարավորության դեպքում կվերաբացվեն:

Չինաստանի իշխանություններն անհայտ տեսակի վիրուսի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին: Համաճարակը բռնկվել է 11 մլն բնակչություն ունեցող Ուհան քաղաքում:

ՎԵՐՋԻՆ ԼՈւՐԵՐ

Վերեվ