Իրանը մեծ նշանակություն է տալիս Ադրբեջանի հետ հարաբերությունների և համագործակցության ընդլայնմանն ուղղված ջանքերին: Այս մասին հայտարարել է Իրանի նախագահ Հասան Ռոհանին՝ Ադրբեջանի նախագահ Իլհամ Ալիևի հետ հեռախոսազրույցի ժամանակ:
Ռոհանիի կարծում է, որ իրանցի և ադրբեջանցի պաշտոնյաների փոխայցերն արդյունավետ գործիք են հարաբերությունների ընդլայնման համար: Նախագահը նաև հույս է հայտնել, որ կարագանան երկու երկրների միջև համաձայնագրերի կատարման գործընթացները:
«Ադրբեջանի Հանրապետությունն Իրանի համար միշտ բարեկամական և եղբայրական պետություն է եղել, և այս բարեկամությունը երկու երկրների միջև էլ ավելի կխորանա»,- ասել է Ռոհանին:
Ալիևն իր հերթին ընդգծել է, որ Իրանի և Ադրբեջանի միջև հարաբերությունները և համագործակցությունը Թեհրանի և Բաքվի կողմից ձեռնարկվող կանոնավոր և պատասխանատու ջանքերի արդյունքում շնորհիվ ընդլայնվում է:
«Ոչ մի կասկած չկա, որ երկու երկրների և ժողովուրդների հարաբերություններն ավելի կամրապնդվեն»,- հավելել է Ալիևը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
